Assalamualaikum warahmatullahi wabarakatuh

Sugeng enjang para sedaya,

Dumateng Bapak kepala sekolah ingkang kinurmatan,

Dumateng bapak kaliyan ibu guru ingkang kula hurmati,

Mboten kesupen dhumateng sedaya rencang ingkang kula tresnani,

Hadirin ingkang kulo tresnani lan kula hurmati ugi.

Monggo kita sesarengan ngucapaken puja lan puji syukur kita dumateng gusti Allah SWT amargi sampun pinaringan berkah lan rahmat dumateng kita. Saking berkah lan karunianipun, kita sedaya saged makempal kanthi sehat wonten papan puniko.

Hadirin ingkang kawulo hormati… Ing kesempatan menika, kula badhe ngendika bab lingkungan. Amargi lingkungan menika papan kangge nggantungaken gesang kita sedaya lan papan kangge pados kaberkahan marang Gusti.

Kita sedaya kedah njagi lingkungan ingkang sak sae-saenipun, supados bumi manfangati kagem kita sedaya.

Hadirin ingkang kula hormati…

Salah satunggaling hasil ingkang kita sedaya pikantuk saking njagi lingkungan meniko kita saget terhindar saking penyakit-penyakit. Macem-macem penyakit ingkang ngintai rikala usum jawah lan pancaroba bisa lunga menawi kita sedaya njaga karesikan lingkungan.

Cekap semanten ingkang saget kula aturaken ing pidato meniko, umpami wonten leatipun, kula nyuwun pangapunten.

Sugeng enjang. Mugi-mugi kita sedaya dipun paringi kasarasan salajengipun. Wassalamualaikum warohmatullahi wabarakatuh.

"PERPISAHAN"

Assalamu’alaikum Wr. Wb.

Bapak Kepala Sekolah ingkang kula kurmati, bapak ibu guru, rencang-rencang saha adhik-adhik kelas ingkang kula tresnani.

Sak derengipun... manga kula dherekaken puja-puji syukur dumateng gusti ingkang sampun paring kanugrahan dhumateng kita sedaya, saengga wonten ing acara perpisahan siswa kelas enem ing tahun punika saged rawuh kanthi raharja lulus ing sambekala.

Ingkang saklajengipun kula nyulih rencang-rencang ngaturaken gunging panuwun dumateng bapak, ibu guru ingkang sampun nyengkuyung saha ngrawuhi acara punika. Ugi matur panuwun dumateng rencang saha adik-adik ingkang sampun paring pambiyantu dateng tumapaking acara.

Bapak ibu guru ingkang kula kurmati,

kula sak rencang siswa kelas enem ngaturaken gunging panuwun awit panggula wentah saha sadaya wucalan ingkang sampun kaparingaken dumateng kula sedaya. Dene kula sak rencang boten saget atur piwales punapa-punapa kajawi naming atur panuwun ingkang tanpa pepindhan.

Para putra naming saget nyuwun dhumateng Allah mugi-mugi paring piwales dhumateng sedaya kesaenipun bapak ibu guru sedaya. Aamiin.

Kajawi punika para putra sedaya nyuwun Samudra pangaksami menggah sedaya kalepatan, dosa, kekhilafan ingkang kita sengaja punapa ingkang boten. Mugi-mugi bapak saha ibu guru kersa paring pangapunten.

Sak lajengipun, kula sedaya nyuwun doa restu saking bapak ibu guru supados saged nglajengaken ing sekolah ingkang kita idham-idhamaken.

Kangge adhik-adhik kelas, pesen kula supados sregep sinau, patuh dhumateng bapak ibu guru, saengga mangke sekolah kita punika saged ngasilaken generasi ingkang pinter, cerdas, saha berbudi luhur.

Bapak ibu guru ingkang kula kurmati,

Naming cekap semanthen ingkang saged kula aturaken. Menawi wonten kekirangan, kesalahan anggen kula matur nyuwun samudra pangaksami.

Wassalamu’alaikum Wr. Wb